Abamenyeshamakuru ba Radio Isanganiro bibuka ukwezi guheze iradiyo yabo ituriwe




Par: Isanganiro , lundi 15 juin 2015  à 08 : 27 : 35
a

Kuri uyu wa Mungu, Radio Isanganiro yari ikwije ukwezi ituriwe n’abantu bari bambaye impuzu z’igipolisi n’izisanzwe, hari kw’igenekerezo rya 14 rusama 2015, inyuma y’aho kw’igenekerezo rya 13 rusama hari umurwi w’abasirikare wari watangaje ko wakomboye intwaro ya Prezida Petero Nkurunziza.

Mu nyuma y’aho abamenyeshamakur baratswe uburenganzira bwo kwinjira mu kigo c’iradiyo yabo.

Hambavu ya Radio Isanganiro, ayandi maradiyo yigenga, Radio Bonesha, RPA, Télé-Renaissance nayo nyene yari yaturiwe. Imbere y’aho, kw’igenekerezo rya 13 ku musi w’iryo tembagaza ry’ubutegetsi, radio Rema y’umugambwe uri ku butegetsi nayo nyene yari yaturiwe, n’abikekwa ko boba ari abashatse gutembagaza ubutegetsi.

Reta y’Uburundi ibandanya yerekana ko idashaka kwugurura ayo maradiyo no guhohotera abo bamenyeshamakuru bakorera ayo maradiyo yitwa ko ari ay’abakeba.

Kw’igenekerezo rya 12 ruheshi, umushikirizamanza mukuru wa reta yamùenyesheje ko studio y’ishiramahwe ABR yuguruwe inyuma y’ukwezi n’igice yari yugawe, ariko aca amenyesha ko amaradiyo Bonesha, RPA, Isanganiro, Renaissance hamwe na Humuriza n’abamenyeshamakuru bayo batemerewe gukoresha iyo studio. Ivyo bikerekana ingene Reta ishaka kurenganya bamwe igakunda abandi bavuga ivyo ishatse.




Twitter cet article// Partagez cet article sur Facebook

498 ont visité l'article



Votre réaction sur l'article/émission/brève..

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Ecrire un message à l'auteur de cet article

Envoyer un message